LURRA, AHOTSA & BIBRAZIONEAK
murgiltzea
Euskal Herria
2027ko udako datak laster
Maila guziak, hasiberriak ongi etorriak
7 eguneko yoga-jardunaldi izpirituala, mantren edertasuna, Indiako filosofiaren sakontasuna eta Euskal Herriko ibilaldien edertasun handia nahasiz!
Aurkikuntzaz eta esperientziaz beteriko yoga jardunaldi bat antolatu dizut. Goza ezazu Hatha, Hatha Flow eta Yin Nidra klase anitzez. Mantra kantuen erresonantziaren eta bibrazio kontzertu baten bidez, berriz zentra zaitez.
Yogaren filosofian murgil zaitez eta Ayurvedan eta auto-masajean trebetasun berriak ikas itzazu.
Azkenik, nirekin parteka ezazu euskal lurrarekiko maitasuna, eta ezagut itzazu bertako natura eta kultura, izadiaren erdian oinezko ibilaldi bat eta yoga saio bat eginez.
Egunean 5 ordu klase, praktika goxo eta dinamikoak tartekatuz: hatha yoga, hatha flow, meditazioa, mantra, pranayama, yin yoga, yoga nidra
Hiru hitzaldi/tailer:
>> ayurveda
>> Indiako filosofia
>> sabeleko auto-masajea
Bibrazio-kontzertu bat
Sukaldaritza osasuntsua, bizia, eskuzabala, baratzetik datorrena eta amodio handiz kozinatua.
Ordu bateko masaje bat.
Gehigarri gisa, arta-zerrenda batean hautatzekoa.
Mendian oinez ibiltzeko eta yoga egiteko egun bat
Zuretzat auto-partekatze edo taxi zerbitzu bat antolatuko dugu, pribatua edo kolektiboa, Baionako geltokitik (edo Baionako geltokitik autobusez etortzea) –interesatutako pertsona kopuruaren arabera aurreikusi beharreko gehigarria.
Oso giro atsegina, familiarra eta egiazkoa, Euskal Herriko etxe noble batean, mendien magalean.
Beren arloetan adituak diren hizlariak eta kanpoko parte hartzaileak, sutsuak eta onberak, zure ongizateari eskainiak.
YOGA ezagutzeko, sakontzeko, hobetzeko eta haren praktika aberasteko askotariko ariketak.
Denbora librea norberarentzat, taldearekin partekatzeko, etxeko edo baratzeko xokoetako batera joateko, inguruko naturaz gozatzeko edota atseden hartzeko eta praktikak integratzeko.
Energia positiboz beterik, zure burua BERRIZ AURKITU izanaren sentsazioarekin itzuliko zara etxera: zure baitako konfiantza, arintasuna, mementoan bizitzearen sentsazioa, norbere buruarekiko konexioa, naturarekiko konexioa, izpirituaren egonkortasuna, norbere buruarekiko eta besteekiko onginahia, eta bihotza pozez eta taldearekin partekatutako momentu ederrez beterik! Denboraz kanpoko aste honek gibelera egiten lagunduko zaitu, zure bidean eta proiektu pertsonaletan hobeki aitzina egiten laguntzeko. Dudarik gabe, esperientzia honetaz baliatuz, biziki motibatua izanen zara ikasturte sartzean yoga klaseak berriz hartzeko!
PREZIOAK
Prezioa, dena barne, 890 eurokoa da.
Barne hartzen ditu igande arratsetik larunbat eguerdira (afaria eta gosari-bazkaria barne) logela partekatuan pentsio osoan hartzea, baita programan eskaintzen diren aktibitate guziak ere. Ohe-estalkiak eta bainu oihalak gehigarri gisa uzten dira egonaldirako, 5 eurotan (barne dira, aldiz, mihisea eta bururdi azala).
Gehigarri gisa, masajista profesionaletako batekin ordu bateko masajea erreserbatzeko aukera dago (masajeen zerrenda eskuragarri), 60 euroko prezioan.
Bakarkako logelan hartua izateko aukera dago, lekurik gelditzen den neurrian, eta orduan egonaldiak 72 euro gehiago balio du.
ARGIBIDEAK
Erreserba behin betikoa izanen da 445 € ordaindu ondoan.
Parte-hartzaileak egonaldia ezeztatzen badu :
– 30 egun erretreta hasi baino lehen, aitzin diruaren erdia atxikia izanen da, antolaketa gastuak estaltzeko – gainerakoa edo itzulia da, edo erabiltzen ahal da beste erretreta batetan parte hartzeko hurrengo 12 hilabeteetan ;
– 30 egun erretreta hasi baino gutiago, aitzin dirua atxikia da.
Jakina, erretretaren antolatzaileak ezeztatuko balu (salbuespenezko edo ezinbesteko arrazoiengatik), erretretaren osotasuna ordaindua izanen zaizu, edo, nahiago baduzu, geroko beste baten gain geroratua izanen da.
Milesker zure ulermen eta konfiantzagatik. Engaiamendu bakoitzak une horiek giza esperientzia aberats eta sakon bihurtzen laguntzen du.
Zurekin, Lea
Yogako irakaslea eta energetikaria naiz. Amodioz prestatu dut egonaldi hau. Aste osoan zehar gidatuko zaitut, eztiki, adi egonez eta borondate onarekin. Eskuzabala naiz nire irakaspenetan, eta yogaren hainbat alderdi erakutsiko dizkizut, batzuetan indartsua, dinamikoa, besteetan eztia, isilik edo mantran, gorputz, izpiritu eta alaitasunaren arteko harmonia perfektua lortzeko!
Adrien
Adrien masajista eta formatzailea da. Hark tailer bat proposatuko du sabelarekin berriz konektatu eta hura eztiki eta urraska askatzeko. Zure tentsio-aldeak lokalizatzen ikasiko duzu, zure organoen funtzioak hobeki ezagutzen eta zure buruari masajeak ematen, eguneroko trabak eta blokeoak kentzeko. Adrien eta bere esku adituek ere hainbat masaje mota eskainiko dizkizute, aste horretarako erreserbatu beharrekoak (aukeran, erlaxazio muskular pertsonalizatua, Urut Pijat Baliko masaje bideratzailea edo Chi Nei Tsang masaje abdominala).
Marie-Pierre
Marie-Pierre eta bere lamina andere erhiak indiar masajeetan adituak dira. Olio beroko masaje ayurvedikoak eskainiko dizkizu (aukeran, Abhyanga –gorputz osoa edo bereziki bizkarra–, edo Shirobhyanga –burua– eta Padhabhyanga –oinak–, Kansu katiluarekin), egonaldirako erreserbatu beharrekoak.
Nassim – Metamorphosia
Nassim, yoga irakasle, energialari eta soinu-terapeuta, esperientzia ahantzezina proposatuko dizue Gong Bath batean.
Bere gong-ez eta metalezko diskoez inguraturik, mazoekin kolpatuko ditu, haien oihartzunak zabal daitezen eta Unibertsoaren bibrazio guztiak piztu daitezen. Soinu bidezko meditazio kolektibo batera gidatuko zaituzte, sakonki erlaxagarria eta indarberritzailea.