PREZIOAK

Arnasa. Gorputza. Arnasten duen gorputzaz ohartzea. Hori da yoga. Den-dena horretan da. Hain da sinplea eta indartsua!

Mugitzea, eta mugitzen ari den gorputzaz oharturik bizitzea. Mugitzen den gorputzean energia-ufadaren jarioa sentitzea. Yogaren ekintzaren euskarri diren posturek gorputzaren eta gogoaren tentsioak askatzen dituzte eta organoak eta giharrak indartzen. Gorputz-jarrera hobetzen dute, eta, haratago, baita bizi-jarrera ere.

76.000 nadi eta 108 energia-gurpil (chakra), energiaren gorputzean esploratzeko beste hainbeste bidezidor eta bidegurutze. Helburua da, kontzientzia betean, egoaren jolasen eta buru-nahasmenduen harrera egitea, lasaitasunera buruz joateko; eta, are gehiago, Norberarekiko topaketak egitea, bide amaigabeak irekitzeko eta ezkutuko istant ezezagun eta magikoak sortzeko.

Ez du balio malgua izatea, ez eta atletikoa ere. Nahiz, bistan da, yoga praktikatzeak malguago eta indartsuago egiten zaituen. Yoga praktika bat esperimentatzeko, nahikoa da arnasa hartzen duen gorputz bat. Gero, esperientzia errepikatuak eta praktikatzearen plazerak erosotasuna gehitzen dute eta gauzak errazten dituzte. Momentuaren gozoak eta unean uneko energiek ohitura beti berrasmatzen dute. Erakusten diren teknikek gero eta intimoagoak diren esplorazio-bideetarantz daramate, gorputzarentzat, gogoarentzat, bihotzarentzat, zeruaren eta lurraren artean, Batasunerako, Izaterako, Norberarentzat.

Yoga, oroz gainetik, nire zaletasun handietarik bat da, norberaren eta nire esplorazioarena, gorputzez eta bibrazioz. Gero, partekatzeko eta transmititzeko gogoa ere bada, 2016tik. Nire aholkuak intuitiboak dira, nire ahotsak bideratuak, eztiki eta borondate onarekin. Posturak garatzen dira arintasunean, erosotasunean eta bakoitzari dagokion esfortzu justuan. Niri dagokit zure gorputzera, zure beharretara eta zure erronketara egokitzea.

Ez naiz baitezpada “feel good” eta positibismoaren jarraikitzailea, biziko esperientzien kolore paleta askoz ñabarragoa, aberatsagoa eta konplexuagoa baita. Baina, Kontzientzian jartzearen aldekoa naiz, Presentzian jartzearen aldekoa, eta sostengatu nahi zaitut eta konfiantza eman nahi dizut zuri eta bakoitzari dagozkion orekak berreskuratzeko prozesuak errazteko.

Gorputza da ibilgailua, sinpletasuna da gakoa.

Saioetan, maiz, kantatzen dut, zelulak dardararazi eta bihotzak hunkitzeko. Bihotzaren energia horri eskaintzen diot nire irakaspena, eta iturri horretatik edaten dut.

Yoga Irakasleen Federazio Nazionaleko kidea naiz, De Gasquet ziurtagiria duena, Yoga Alliancen formatua.